七笑上韶關（七）
眾人嘅視線一路隨住龍公子出左門口嚟個大U TURN，
直奔入茶餐廳一璃之隔的走廊盡頭，
眾人才舒一口氣，
將幾乎出鞘嘅架生放開。
「挑，痾尿咋嘛，咁大動作．．．」
X餅呢句都未講完，
又見龍公子件紅衫仔出現番喺走廊度，
以同頭先相反嘅方向，
直標向商場火車站嗰頭！
「整乜春呀佢！」X餅又怪叫一聲。
「大家冷靜，坐低食埋D野先。」美腮子淡定有錢剩嘅語氣，
個咀真係郁都唔郁一下，
大家見到咁嘅絕技都噗為觀止，
將龍公子帶來嘅驚嚇忘記得一乾二淨。
不過，
最淡定嘅唔係美腮子，
原來係離奇大佬，
佢直情當四圍冇到，
只完完全全專注係佢碗五香肉丁麵度，
喺江湖傳聞話佢可以常在定中，
完來係真事！！
唔止常在，
簡直冇九出過定！
而家佢睇住前面連湯都冇一滴嘅吉碗，
碗內仲冒緊白煙，
如果唔係進入甚深禪定，
咁滾口嘅野點倒得入口？
眾人心中暗暗佩服，
不期然叫聲「離奇大佬」，
因為，
佢地發覺唔止佢面前碗麵冇哂，
而係枱面上各人所有D食物都．．．
冇哂！！
（待續）
七笑上韶關（八）
「你兜死白痴，食埋人地D野，咁冇人性嘅！！」，
X餅睇見自己隻碟乾乾淨淨，
真係惡向膽邊生！
舉起雙掌想兜離奇個太陽穴燴落去！！
眾人見狀大吃一驚，
想上前制止也太遲！
正在千鈞一髮之際，
卻見如狼似虎嘅X餅明明向前衝緊刺，
突然成個人好似畀一堵無形嘅牆夾住左，
就咁成個人係空中定住！
「蝸角頭上爭長短,
火石光中寄此生！
施主，
請勿妄開殺戒！
善哉善哉！！」
一把既遠又近既大又細既柔又剛嘅聲音籠罩住成間茶餐廳，
入面D人好似坐緊按摩椅咁，
成身軟哂，
除左X餅係外硬內軟外，
個個由心笑左出嚟，
成個空間變左慈航靜苑咁，
慈悲過慈悲。
X餅監生禮頭過去睇吓邊個咁把炮，
一睇之下，
服哂，
原來係「宿世法器」師父仔出手，
佢係領隊，
真係嘅都冇得嘅啦！
心諗：
「呢鑊都係乞米喇．．．」
（待續）
七笑上韶關（九）
搓餅玲見個老公凌空吊起郁不得其正，
真係驚佢頂唔到咁耐，
個心拿住痛，
一個箭步標上前向師父仔求情：
「師父仔你大人有大量，佢唔敬老係抵死架喇，不過乃念佢.....」，
搓餅玲講到呢度，
見到X餅忽然成個軟番哂，
好似番叮過度嘅隔夜餅一樣，
成PET野就咁攤落嚟，
佢立刻上前用雙手將佢攬到實，
搓餅玲低頭望住懷中嘅X餅，
既憐且愛，
呢一切眾人皆看在心裡，
連好似白癡嘅離奇大佬，
都眼泛淚光，
喺口中攞出一舊咬過嘅豬扒，
放入老餅口中，
「你要，就俾你吔喇，乖吓。」，
X餅含住舊豬扒，
全身無力，
任由擺布，
左眼角都唔知因為有番野食而感動，
定係喺愛妻懷抱裡動左真情，
一滴熱淚沿住塊餅面垂下，
「賴左佢！」，
突然師父仔大喝一聲，
搓餅玲醒字派，
立刻回應一句：「我願意！」，
就低頭落去賴左老公面上嘅眼淚！！
奇蹟就喺眾人面前，
出現左喇！！！
（待續）