曾經有位 personally 認識林鄭嘅資深政府人早喺林鄭上任之初已經同我講，佢嘅性格係唔會聽人意見，要 push 到佢做嘢，要好技巧／隱晦地提出嚟，然後令佢覺得嗰樣嘢係佢自己諗出嚟嘅，佢先至會做。變態，由來有自。
我諗再經過過去近八個月嘅經歷，呢種變態、夾雜對香港人嘅仇狠，只有變得更嚴重，更病入膏肓。你清清楚楚叫佢做乜，佢一定唔會做；就算做，都只會係佢自己諗出嚟嘅方案，所以永遠唔拖唔水，古靈精怪！
再講，佢根本已經視所有叫佢做嘢嘅人係「暴徒」。你睇佢今日嗰句「任何人想用極端手段逼政府做嘢都唔會得逞」就知啦，根本係「我哋絕對唔會同恐怖分子談判」一樣，視醫護係「暴徒」、視和平不過嘅罷工行動係「極端手段」、視香港人要求政府為市民做事係「逼政府做嘢」、視「全面封關以堵截病源」係「理性上做唔到同對公眾利益有害無益」嘅事，完全係妄想被逼害症患者嘅視覺；佢嘅世界觀，已經扭曲到冇平常人可以理解。
當然，佢講出「任何人想用極端手法逼政府做嘢都唔會得逞」呢句sounds so 國務院 alike 嘅說話時，心情一定比耿爽更爽，充滿住復仇嘅快感，話俾你哋班「暴徒」（全香港市民都差不多全部係暴徒）知，我做乜都有阿爺撐，你哋唔使旨意撼動我嘅權威！成句嘢，就係簡單五個字講晒：你哋收皮啦！
因此，嗰啲甚麼「封關嘅後果大家知㗎啦」或「要照顧10萬往來中港兩哋嘅港人嘅利益」等拒絕全面封關嘅所謂理由，統統都係砌詞；說到底，真正嘅理由就係極端變態+對港人復仇，你越叫佢做，佢就偏唔做！
我無意歧視情緒／精神病患者或對之不敬，只係若然有病，就應該接受治療，身邊嘅人亦應該好好勸佢就醫，然後 declare 佢 unfit to be the CE of HK，而唔係好似羅致光、張建宗、陳帆或陳肇始之流，淨係識得唯唯諾諾，前呼後擁，話不由衷，助紂為虐。林太，你身邊呢班唔係好人嚟㗎，你不如諗吓炒晒佢哋，然後自己早啲返英國享家庭樂？
註：題為編輯所擬