【獨媒報導】「執笠關注組」群組宣布「執笠」，將在月底改名重開。曾質疑該群組故意分享香港壞消息的紀惠集團行政總裁湯文亮，他今日在電台節目重申食肆有生有死：「你唔能夠淨係報執笠㗎嘛！」湯文亮預料，本港今年年底食肆數目將會較去年同期增加，即達到35,000間：「老老實實坐埋喺度，就唔希望嗰條船沉啦。」
湯文亮今早接受新城節目訪問，對於或有說法指，本港今年年尾將有五分一食肆結業，他認為，食肆的生命期平均為五年，「五分一執笠係好正常」，舉例指去年年尾約有33,500間食肆，即有6,700間結業：「淨係執笠啫，有死有生㗎嘛！有幾多呢？嗰個結果年底知。」
湯文亮（中）Facebook圖片
料年底食肆增至35,000間 批關注組不了解情況
湯文亮又提到，本港在2018年只得27,000間食肆，五年後已增至33,500間，估計今年年底的食肆數目會增至35,000間：「喺咁惡劣嘅環境情況下，嗰啲食肆嘅數目都增加。今年撤辣啦，諸如此類做咗，雖然利息未減啫，但唔會話擔心加息。」
在節目中，湯文亮點名提到位於中環的九記牛腩：「我都唔鍾意去佢度食，服務態度太差。佢真係最奇怪，有個晚飯時間喎，晚飯時間睬你都⋯⋯清咗場喎！員工食晚飯喎！」他批評「執笠關注組」將九記牛腩的員工晚飯時間過分放大，並說成沒有人光顧：「覺得你要了解情況，唔係話幫邊個。」
不過，湯文亮又表示，個人並不反對「執笠關注組」，因為可以提醒政府、商家，在市況不景的時候「要做少少嘢」，稱如要「撤辣關注組」，當局或會早一點對樓市撤辣。
稱租金佔店舖成本很少 指撤辣後很多內地人來港買樓
對於不少店舖執笠，湯文亮就認為租金佔成本很少，反而是人手不足：「我自己做收租嘅，大家知啦，最主要個條件係乜？唔係租金，租金佔營業額15%，大多數都做得到，係請唔到人！」
在節目中，湯文亮一貫的唱好本港樓市，稱很多內地人在本港樓市撤辣後立刻來港買樓，「宜家去到售樓部要講普通話」：「代理都講普通話，香港人都費事招呼你呀！我訪問佢哋點解香港人唔招呼呀？香港人始終都會買㗎！」
湯文亮：五一大多數銀行都唔放假，畀國內人開戶口
湯文亮續稱本港樓市撤辣後，內地「好多人嚟」，但報紙卻每日報道「賣樓蝕幾多錢」，而中原城市領先指數卻上升：「五一勞動節係咩節？實情唔係勞動節！我識啲朋友話⋯⋯我唔知銀行通知咗出嚟未呀⋯⋯五一大多數銀行都唔放假，畀國內人開戶口。」他表示，本港即將成為境外人民幣中心，內地市民「搬定啲錢落嚟」及買樓：「我覺得大家就唔好睇一面倒！」
談到本港甲級空置商業大廈的空置率創新高，湯文亮則承認不少港人移民，「我哋的的確確走咗好多人」，但認為香港已往好的方向發展，希望社會持續穩定，並成為人民幣離岸中心：「實情宜家係向好嗰方面，你睇到好多豪宅賣得唔錯，同埋甲廈都入緊，多咗好多人睇樓。」湯文亮最後預測，截至今年6月底，本港樓價將會谷底反彈10%，股樓亦會上升10%：「升咗啲㗎啦，睇升唔升到千幾點咋嘛，1,600點呀嘛！」
本身在報章撰寫專欄的湯文亮，他在2020年3月曾稱接受網民挑戰，如美國在半年內實施《香港人權與民主法》制裁侵犯人權的港人，便「將個file吞落肚」。美國財政部在同年8月7日公布制裁名單，時任行政長官林鄭月娥等多名官員均遭到制裁，湯文亮因至今仍被網民「追數」而聞名。