【獨媒報導】終審法院昨日拒絕律政司上訴，反對黎智英聘用英國御用大律師Tim Owen，行政長官李家超傍晚表示將就案件向中央建議釋法。前全國人大常委委員范徐麗泰認為「大家都係做緊應該做嘅事」，並質疑聘請外國律師處理本地的國安案件是違反國際慣例，反問：「我哋國安法嘅案件可唔可以違反人哋國際慣例，而去請一個英國律師？」
范徐麗泰今午出席一活動後被記者追問人大釋法一事，她認為終審法院的裁決沒有錯，亦指政府提出了相當重要的新論點，只是案件屬上訴性質，令終院未能考量政府的新論點，「按照舊論點嚟講，下面嗰幾個法院係冇判錯」。她又指終院已表明會尊重人大常委的解釋，強調李家超提請人大釋法是「好正常、好合理」。她更反問：「我哋講緊係喺國安案件裡面，係有同外國勢力勾結嘅成份，係唔係可以有一個住喺外國、外籍嘅律師嚟參與？」
范徐麗泰續稱，在國際上未曾有涉及國家安全的案件是容許他國律師參與，強調本地律師亦有能力及專業知識為黎智英辯護，「我哋國安法嘅案件可唔可以違反人哋國際慣例，而去請一個英國律師？」她再三支持李家超，指他有責任向中央報告，以及要求全國人大常委會闡述立法原意，「我個人相信個立法原意一定有話審呢啲案件，參與嘅人都係冇任何可能洩露案件入面有關國家安全嘅嘢」。
她又表明案件不能如期於12月1日審議，必須等待人大釋法之後，並指律政司已申請押後審訊。被問到要延後到何時，她僅稱相信人大常委亦覺得事件影響香港司法系統，希望對方可儘快解釋。