（獨媒報導）《施政報告》提出，邀請最低工資委員會就如何優化法定最低工資水平的檢討機制作研究。自由黨張宇人在立法會一個委員會上，指政府近期不少措施「工人得益，老闆大件事」，「你去捏死晒啲老闆，特別是中小企呢，到時政府你自己孭飛，一係就失業救濟，一係就咩⋯⋯。」他更批評，勞工界爭取改為一年一檢是「貪得無厭」，引起工聯會不滿。
自由黨張宇人
黃國反對引入外勞 促確保分享經濟成果
現時最低工資水平為兩年一檢，自2019年5月後未有更新，目前仍為時薪37.5元。在立法會人力事務委員會會議上，工聯會黃國提出，政府在檢討最低工資水平時，應同確保基層勞工「勞有所得」、有尊嚴的生活，在檢討外判時則應以生活工資的水平聘用，及優先改善人手較緊張行業的薪酬、福利及待遇，要求僱主給予合理工資，如私人護老院。
黃國質疑，基層勞工在人手充足時獲加薪，但人手緊絀時因輸入的外勞，而被壓低工資，好似「永遠都係受到一個嘅打壓」。他問勞福局局長孫玉菡，當局是否應有針對分享經濟成果的政策及保障，令工人至少與經濟同步，「好多時變成多勞少得」。
工聯會黃國
孫玉菡：政府睇法與黃國一致 一句激嬲張宇人
在回應時，孫玉菡重申《施政報告》中「應當分享經濟成果」與國家主席習近平的「二十大精神」及七一重要講話一脈相承，惟香港奉行資本主義經濟，「但係我哋都好關心勞工」。他舉例指，取消強積金對沖便是秉承同一精神，希望在可行的辦法、符合經濟運作下盡可能照顧勞工階層利益。
孫玉菡強調，勞工階層如要分享經濟成果，「香港應該走我哋自己嘅道路」，尤其發展經濟包括搶企業，令勞工階層有更多就業機會，「政府嘅睇法，同阿黃議員講嘅理念一致，喺運作方面、細節當然要再商討啦。」
不過，孫玉菡的「理念一致」，便一句激嬲張宇人。張宇人表示，聽到孫玉菡稱政府的理念與黃國一致感到擔心，「好彩我無做生意好耐，雖然我都有投資，唔可以話冇。」
先「教訓」孫玉菡再批工會貪心 張宇人：最好就同老闆共產
張宇人認為，「人工係永遠應該跟貼你嘅生產力，唔係個通脹，唔係你可唔可以有幾多錢生活，但宜家我哋似乎從來都唔講生產力有幾多。」他更指，政府近期有不少措施「工人得益，老闆大件事」，「你去捏死晒啲老闆，特別是中小企呢，到時政府你自己孭飛，一係就失業救濟，一係就咩⋯⋯。」
在「教訓」孫玉菡後，張宇人又不點名批評工會代表貪得無厭，「最好就同老闆共產，我都想同香港啲闊佬一齊共產，我份身家同佢嘅最好撈亂分兩份，咁就最好。」
對於該項措施，張宇人就斥一旦由兩年一檢改為一年一檢，勞工界議員便會改為爭取半年一檢。他表示，對上一次兩年一檢未有加薪，令洗碗工月薪，高達兩萬元，「今日啲業界咁辛苦，你拎一萬人嚟俾我，局長，我搵晒工俾佢哋做，喺飲食業！」他認為，社會不應說成食肆加價，而是市場調節，促勞工處在檢討最低工資水平時不應傾斜勞方。
孫玉菡回應時只表示，在檢討最低工資水平的機制樣時必然會平衡最低工資水平、維持經濟發展。
梁子穎不甘受辱反擊 邵家輝打圓場
同屬工聯會的梁子穎不甘受辱，強調勞工界議員為工人發聲是理所當然，「係冇錯㗎嘛，如果工人勞工如果受到剝削，我哋唔出聲，都對唔住自己啦！」
工聯會梁子穎
本身是勞工界的梁子穎更點名張宇人，指對方將勞工界代表說成貪得無厭是不合理，「我哋係爭取我哋應有嘅權益」，指政府在疫情期間曾推出保就業協助商界，發聲是因為看到勞工遭剝削。
梁子穎希望商界不要再將勞工界說成貪得無厭，「我哋冇話要半年一檢，冇話要一個月一檢，亦都冇講到一個月一檢呀嘛！你講到啲咁離譜嘅嘢，真係接受唔到囉。係咪？」他期望能達到勞資雙贏。自由黨邵家輝發言時打圓場，稱明白勞工界要為勞方爭取，同意對方提出的雙贏。
林振昇指寫得隱晦 勞福局：兩年內可交多一次報告
勞聯林振昇同關注檢討最低工資水平機制研究，但認為《施政報告》寫得隱晦，未有清楚改為一年一檢。他指出，如改為一年一檢則只會追回一年的數字，升幅亦較「溫和」，問孫玉菡對一年一檢的看法。
勞聯林振昇
孫玉菡最後表示，《最低工資條例》寫得清晰，最低工資委員會至少每兩年向當局提交一次報告，「但就無講到兩年之內唔可以交多一個報告，有咁嘅空間嘅」，將交由最低工資委員會研究及決定。